Söknuður

Auglýsi eftir þessum stúlkum...

Í dag byrjaði ég eiginlega í Háskóla Íslands. Ég er bara næstum því jafn fullorðins og stóra systir mín mínus það að ég á ekki eiginmann, íbúð og bíl. En þetta er allt að koma.
Rétt í þessu var ég samt að fá slæmar fréttir. Hún Guðný Helga, sem er búin að vera að stunda það að horfa á spænska slúður sjónvarpsþætti, tjáði mér það að ríkir strákar nú til dags (spænskir a.m.k.) vildu bara ríkar stelpur.
Þarna hrundi veröld mín. Ég var að segja henni að það liti út fyrir að vera fátt um fína drætti þarna í þessari viðskiptafræðideild en ég myndi þó láta mig hafa það því að ég ætlaði að næla mér í einn sem að stefndi á að verða ríkur og gæti þá keypt handa mér fullt, fullt af skóm í framtíðinni. Hélt að ég þyrfti að púlla þennan háskóla í eina, max tvær annir!
En það lítur allt út fyrir að ég þurfi að fara að kúpla mig útúr s-ameríku chillinu og setja í gamla góða lærdómsgírinn og demba mér í skuldir og eigið fé. Spennandi!
Ást Sigga

Fullorðins

Núna er systir mín orðin hrikalega fullorðin, hún gifti sig í gær!
Hún er án efa fallegasta brúður sem að hefur alist upp í 107!
Læt myndirnar tala...

Jæja núna er ég búin að vera í klukkutíma í vinnunni og ekki enn komið ein sála að skoða sýninguna. Bara 2 iðnaðarmenn og 2 týndir túristar. Þetta er ekki hressandi. En þetta er!
Þetta er bara svona fjársjóður minninga og góðra stunda saman komin á einni síðu. Mér finnst að Gugga eigi endalaust hrós skilið fyrir að hafa staðið sig svona vel í gegnum árin.. þó svo að síðasta albúm hafi komið inn í ágúst í fyrra og innihaldi aðallega MRinga (sem eru þó ágætis fólk upp til hópa).
Hér með vil ég þá heiðra Guggu myndasmið með þreföldu húrra! Húrra! Húrra! Húrra!
Kíkiði svo á mig í vinnuna áður en að ég bráðna úr leiðindum og hita...